Manchester United ka arritur të triumfojë në “Etihad Stadium”, përballë Arsenalit me rezultatin bindës 1-3. Ndeshja është zhbllokuar shumë shpejt pasi Valencia mposht Peter Cech që në minutën e katërt, ndërsa 7’ minuta më vonë dyfishon Lingard. Lacazette shkurton diferencën në fillim të pjesës së dytë por është sërish Lingard që shënon të tretin për “djajtë e kuq”.
Ndeshja ka nisur në ritme vërtetë të larta dhe Mourinho kishte hedhur në fushë një formacion sulmues, pasi vetëm fitorja bënte punë në këtë sfidë për të mos iu ndarë Manchester Cityt. Frytet u dhanë që në minutën e 4’ ku një kombinim i mirë mes Pogba dhe Valencias, bënë që ku i fundit të dërgonte topin në rrjetë.
Ndërsa në të 12’-ën minutë është Lingard bën portierin Cech të nxjerrë topin për të dytën herë nga rrjeta. Pas një gabimi në mbrojtje, Martial lë një top perfekt për Lingard i cili nuk e kishte aspak të vështirë ta dërgonte në rrjetë.
Arsenal pas këtij goli rrit ritmin e lojës dhe hidhet në sulm për të shkurtuar diferencën, por nuk arrin ta bëjë në pjesën e parë. Katër minuta pasi fillon e dyta është Ramsey që ul një top të mrekullueshëm për Lacazette, i cili i vetëm me De Gean nuk mund të gabonte. Arsenal shkurton diferencen dhe shpreson tek një barazim i mundshëm.
Por ylli i Manchesterit, Pogba bën një shpërthim në krahun e djathtë ku arrin të futet deri në zonë dhe të nxjerrë një top për Lingard, i cili kishte për detyrë vetëm të dërgonte topin në rrjetë.
Topçinjtë pas pësimit të golit të tretë hidhen në sulm, pasi nuk kanë asgjë më për të humbur dhe mbipopullojnë zonën e De Geas. Pogba në minutën e 74’ bën një ndërhyrje të gabuar ndaj Bellerin dhe arbitri e ndëshkon me kartonin e kuq, duke e përjashtuar nga ndeshja. Minutat e mbetura janë të dominuara nga Arsenal që hedh në fushë edhe Giroud, por pavarësisht përpjekjeve të Sanchez dhe Ozil nuk arrijnë të gjen më rrugën e rrjetës.
Kjo ishte një fitore mjaft e rëndësishme për Manchestër United, që javën tjetër do të luaj derbin e madh përballë “qytetarëve” që do të vendosë shumë sa i përket titullit kampion. Mourinho do ti duhet ti bëjë mirë llogaritë për këtë ndeshje pasi nuk do të ketë në dispozicion Pogban.
