Pavarësisht motit të keq, kategoria Superiore do të vazhdojë të zhvillohet normalisht, vetëm ndeshja Luftëtari-Flamurtari do të s’postohet ditën e hënë. Federata Shqiptare e futbollit ka njoftuar përmes faqes zyrtare se pas rakordimit dhe komunikimit të vazhdueshëm me klubet vendosi që, ndeshjet e kësaj jave (Java e 13-të), të Kategorisë Superiore të luhen normalisht këtë fundjavë, sipas kalendarit të shpallur. Për sa i përket dy ndeshjeve të tjera që ishin planifikuar për ditën e nesërme si ajo mes Teuta-Kamza dhe Skënderbeu-Kukësi do të zhvillohen normalisht, por vetëm do të ketë një ndryshim orari. Sfida në “Niko Dovana” që ishte parashikuar në orën 17:00 do të zhvillohet në orën 14:00. Përsa u takon ndeshjeve që do të zhvillohen ditën e djelë nuk ka ndryshime.
Luftëtari-Flamurtari e cila është spostuar për tu luajtur ditën e hënë datë 4 dhjetor, pasi fusha e stadiumit të Gjirokastrës nuk garanton zhvillimin normal të ndeshjes. Ky vendim erdhi si rrjedhojë e ngjeshjes së kalendarit të Kategorisë Superiore, rakordimit absolut me klubet dhe me kushtet aktuale optimale që garantojnë impiantet e skuadrave të Superiores. Ndërkaq, të gjitha kampionatet e tjera duke patur infrastrukturën e cila në kushte atmosferike të rënduara nuk garanton zhvillimin normal të ndeshjeve janë shtyre për javën e ardhshme.
