Qeveria shqiptare dhe ajo e Kosovës u mblodhën më 27 nëntor në Korçë.
Një ndër marrëveshjet e nënshkruara, ishte edhe ajo e bashkëpunimit ndërmjet Shqipërisë dhe Kosovës në kulturë.
Marrëveshja u nënshkrua nga ministri i Kulturës së kosovës, Kujtim Gashi dhe ajo e Shqipërisë, Mirela Kumbaro.
Por, çfarë përmban kjo marrëveshje?
Gashi dhe Kumbaro nënshkruan memorandumin që për qëllim avancimin e bashkëpunimit kulturor, në kuadër të forcimit të mbrojtjes ligjore të krijimtarisë kulturore.
“Nënshkrimi i marrëveshjes së bashkëpunimit me Ministrinë e Kulturës së Republikës së Shqipërisë, në mbledhjen e përbashkët të dy qeverive, në Korçë.
Ky Memorandum ka për qëllim avancimin e bashkëpunimit kulturor, në kuadër të forcimit të mbrojtjes ligjore të krijimtarisë kulturore, duke marr parasysh rëndësinë e të drejtës së autorit, për krijimtarinë kulturore, letrare, shkencore, dhe artistike, përkatësisht rëndësinë e mbrojtjes së të drejtave të autorit për kulturën dhe industritë kreative, me konsideratë të veçantë për mbrojtjen e krijimtarisë së krijuesve, performuesve dhe producentëve tanë.
KG”, ka shkruar ministri i Kulturës në Kosovë, Gashi.
