Ka përfunduar me rezultatin 1-1 supersfida që u zhvillua në ‘Mestalla”, mes Valencias dhe Barcelonës. Një ndeshje me një ritëm mjaftë të lartë ku të dyja ekipet kishin shumë raste që të shënonin më shumë se një gol. Golit të Rodrigo pak pas fillimit të pjesës së dytë i është përgjigjur Alba pak minuta para përfundimin pas një asisti perfekt nga Leo Messi. Ka qenë një ndeshje e luftuar shumë nga të dyja ekipet në mesfushë, por edhe sulmet respektive shpërdorojnë disa raste. Vlen të përmendet ai gol që nuk u akordua për Messin në pjesën e parë që mund të kishte ndryshuar historinë e ndeshjes.
Pjesa e parë nis në ritme të larta si mund të garantonin këto dy ekipe dhe menjë dominim të qartë të katalanasve. Vendasit janë gjithmonë në pritje dhe kërkojnë të shfrytëzojnë ndonjë kundërsulm, pasi ka në përbërje lojtarë mjaft të shpejtë. Edhe pse Barcelona dominon asnjëherë nuk arritën të kërcënonin portën e mbrojtur nga Neto. Në të 30’ shfaqet edhe ylli argjentinas që godet nga jashtë zone, Netos i rrëshqet topi nga duart dhe kalon vijën e portës. Arbitri nuk arrin ta shohë këtë episod dhe nuk e akordon si të rregullt golin edhe pse ka protesta të shumta nga katalanasit.
Deri në fundin e pjesës së parë ka pasur raste të shumta nga të dyja skuadrat, ku Zaza shpërdoron një rast mjaft të mirë shënimi. Pjesa e dytë fillon me një Valencia më kërkuese, që hidhet në sulm dhe fillon të dominojë. Pas një seri rastesh të mira përballë Ter Steger, në të 60’-ën arrin të shënojë me anë të Rodrigo. Është Gaya që merr krahun e majtë dhe futet në zonë , aty pason për Rodrigo dhe ky i fundit e dërgon topin në rrjetë. Pritet reagimi i katalanasve, por sërish më agresivë janë lojtarët e Valencias.
Barcelona fillon të fitojë terren por tashmë mbrojtja e Valencias është dyfishuar dhe kërkojnë ta mbrojnë këtë rezultat që i çon një pikë më pak se vendi i parë. Por Messi është magjik dhe 8 minuta para përfundimit të ndeshjes jep një asist perfekt për Jordi Alba i cili godet mjaft mirë dhe e dërgon në rrjetë.
Në minutat e mbetura të dyja ekipet kanë rritur ritmin dhe kërkojnë që ta fitojnë ndeshjen por nuk ia arrijnë dot. Në sekondat e fundit të ndeshjes Valencia shpërdoron dy raste të pastra me Santi Minan dhe Zazan, të cilët nëse do të ishin më të qetë do ta kishin fituar ndeshjen.
