Azdren Llullaku është shpallur kampion i Kazakistanit me ekipin e tij Astana. Ky ishte suksesi i dytë për të, pas fitores që kreu me Kombëtaren shqiptare pak ditë më parë përballë Turqisë në Antalya, me rezultat 2-3.
Edhe pse luajti vetëm fazën e parë me Astanën, pasi në të dytën u huazua tek ekipi tjetër kazak, Tobol, ai zhvilloi shumë ndeshje me kampionët në fazën e parë madje arriti të shënonte edhe një gol. Llullaku ka qenë i pranishëm në festën e ekipit Astana, të cilët e mbyllën kampionatin me një pikë diferencë nga vendi i dytë, duke u shpallur kampion në ndeshjen e fundit.