Fundjava është shumë e rëndësishme për të gjithë ne, pasi mundohemi ta kalojmë atë me familjen tonë në natyrë, apo diku tjetër.
Por, si parashikohet të jetë moti këtë fundjavë?
Në fundjavë, moti paraqitet kryesisht me vranësira dhe shira, të cilët do të jenë më të konsiderueshëm në qendër mbrëmjen e së shtunës deri mëngjesin e së dielës.
Në veri do të ketë shira të dendur nga mbrëmja e së dielës deri mesditën e së hënës. Vranësirat dhe shirat mbeten dominante edhe të hënën, më të dendur në ekstremin verior dhe jugor.
Temperaturat e ajrit rriten gjatë mëngjeseve, ndërsa pësojnë rënie me 2 – 3°C gjatë orëve të mesditës, më e ndjeshme në zonat veriore dhe lindore. Mbrëmja e së hënës sjell rënie të ndjeshme të temperaturave në të gjithë territorin dhe reshje dëbore gjatë natës, në zonat malore.
