Vllaznia-Skënderbeu u zhvillua në Korçë, në stadiumin “Skënderbe”, ku ndeshja u fitua nga “miqtë” me rezultatin 2-0. Një ndeshje jo ne një niveli të lartë për ekipin e Ilir Dajës por që di të fitojë dhe të mbajë të sigurt vendin e parë në këtë ndeshje të fundit të fazës së parë.
Kjo ndeshje krijoi shumë polemika ditën e djeshme për shkak se u vendos që të zhvillohej në Korçë, kur Skënderbeu duhet të luante jashtë dhe jo në shtëpi. Ndeshja ishte në ritme jo të larta, ku nuk u pa ndonjë dominim i korçareve. Shkodranët nën drejtimin e Gjokës janë kthyer në një ekip më solid dhe që janë më të rrezikshëm në fushë. Pjesa e parë u mbyll me rrjeta të paprekur dhe nuk krijoi raste të rrezikshme, duke parë një ndeshje ku të dy ekipet luanin të tërhequra.
Ndërsa në pjesën e dytë bardhekuqtë zbresin në fushë për ta fituar ndeshjen dhe ia dalin mjaft mirë. Në minutën e 57’ është Taku që gjen rrugën e rrjetës, me një goditje mjaft të bukur nga brenda zonës. Në fundin e takimit është sulmuesi Soue që dyfishon rezultatin dhe shuan shpresat e Vllaznisë për të marrë ndoshta një pikë.
Me këtë fitore Skënderbeu e mbyll fazën e parë si kryesues me 25 pikë, ku në 9 ndeshja ka fituar 8 dhe ka marrë vetëm një barazim. Statistikat tregojnë një Skënderbe të frikshëm që nuk do ta ketë të vështirë ta mbyllë kampionatin në vendin e parë.
VLLAZNIA – SKËNDERBEU 0-2
Taku 57′, Soue 85′
Vllaznia: Selimaj, Gocaj (Gurishta 62′), Pjeshka, Orelesi, Marku, Krymi, Tafili, Hasani, Vucaj (Çinari 69′), Lika, Atsina (Ribaj 73′)
Trajner: Ernest Gjoka
Skënderbeu: Shehi, Vangjeli, Radas (Aliti 60′), Jashanica (Nimaga 46′), Mici, Osmani, Lilaj, Muzaka (Gavazaj 82′), Taku, Xhejms, Soue
Trajner: Ilir Daja
Gjyqtar: Mario Apap (Maltë)
