Neymar ishte lëvizja më e bujshme e kësaj merkatoje që lamë pas, duke kaluar nga Barcelona tek PSG në Francë, për një shifër rekord 222 milion euro. Kjo ishte një lëvizje mjaft e bujshme sepse ylli Brazilian u cilësua si e ardhmja e ekipit katalan. Gjatë asaj kohe u fol se ishte dëshira e lojtarit për tu larguar.
Ronaldo Fenomeni u shpreh për revistën braziliane “Veja”, se pas kësaj çështje qëndron bordi drejtues i Barcelonës, pasi edhe ai kur u largua nga blaugranët për të kaluar tek Inter në 1997, kishte pasur problem me ata.
“Largimi i Neymar ka qenë i ngjashëm me atë timin. Nuk i di detajet, nuk e di se çfarë qëndron pas negociatave, por sigurt mund të kenë qenë shumë probleme me bordin e Barcelonës, ashtu si në rastin tim”, u shpreh fenomeni.
Ronaldo ka qenë pjesë e Barcelonës vetëm një sezon, 1996/1997, ku ka shënuar 47 gola në 49 paraqitje në të gjitha garat.
