Trajneri i Partizanit të Beogradit, Miroslav Dukiç ka folur në konferencën para ndeshjes së nesërme me Skënderbeun. Dukiç është shprehur i qartë që do të jetë një ndeshje e vështirë, por që duhet të fitohet nga ata për ti hapur më shumë mundësi kualifikimit përtej fazës së grupeve. Po ashtu ai vazhdoi tu bëjë thirrje tifozëve që të jenë të kujdesshëm dhe të mendojnë vetëm për futboll, pasi kemi detyrim një sjellje shembullore ndaj Skënderbeut.
“Jo, unë nuk pres ndonjë problem. Asnjë prej nesh nuk kanë nevojë për këtë, ne kemi nevojë vetëm për spektaklin e futbollit në mes të Skënderbeut dhe Partizanit. Ne duam të flasim vetëm për futboll dhe jo për ndonjë gjë tjetër. Nuk kemi nevojë për probleme, ne duhet të jemi miq. Ne të gjithë kemi vuajtur në këtë rajon për shkak të këtyre problemeve, ndaj duhet të afrohemi dhe të kthehemi te miqësia. Pas ndeshjes të flasim vetëm për bukurinë e futbollit”.
Duke marrë shkas nga ndeshja e tre viteve më parë ku pati trazira në stadiumin e Beogradit, ai u shpreh se në rast trazirash ata që do e pësojnë do të jemi ne, pasi edhe atëherë ishte kombëtarja që u dënua dhe nuk arriti të kualifikohet në Europian.
Megjithatë, ne duam vetëm fitoren. Na duhet spektakël futbollistik në një ndeshje të madhe. Besoj dhe shpresoj që të jetë një ndeshje korrekte dhe e bukur. Duke iu rikthyer asaj që ndodhi para tri vitesh, them se e pësuan futbollistët dhe kombëtarja, që nuk pati mundësi për t’u kualifikuar. Do të mundohemi t’ua kthejmë mikpritjen shqiptarëve. Nuk do të jetë faktor lodhja fizike. Nuk kemi justifikime, do të luajmë në sulm. Stojkovic besoj se do të jetë gati. Kemi patur një dëmtim gjatë stërvitjes së fundit, por të shohim si do të jetë situata” , – tha Dukic.
