Rusia mendohet të ketë depërtuar në zgjedhjet amerikane përmes menaxherit të fushatës elektorale të Donald Trump, Paul Manafort. Ky është pretendimi i autoriteteve federale amerikane të cilat pritet të ngrenë akuza ndaj Manafort. Manafort shihet si njeriu kycc përmes të cilit Moska u përpoq të manipulojë zgjedhjet presidenciale amerikane. Para pak ditësh një juri e madhe vendosi të ngrejë akuza pas hetimeve që po zhvillon Prokurori Special Robert Mueller, siç mediat amerikane. Ndërsa nga çasti në ccast mund të bëhen të ditura brenda pak orësh.
Deri tani, prokurori special Robert Mueller ka qenë i zënë me procesin e mbledhjes së fakteve mbi përpjekjet e Rusisë për të ndikuar tek zgjedhjet presidenciale amerikane dhe për të zbuluar nëse ka pasur akorde të fshehta mes fushatës së Donald Trumpit dhe agjentëve rusë. Ngritja e akuzave nënkupton se janë zbuluar prova të mjaftueshme për të bindur anëtarët e jurisë speciale se është e nevojshme të ndërmerren masa ligjore, ndoshta të kryhen edhe arrestime.
“Procesi duhet të jetë sekret,” thotë Guvernatori i Nju Xhërsit, Chris Christie. “Ligje të forta ndalojnë nxjerrjen e informacionit mbi vendimet e jurisë së madhe tek media. Varet kush e nxori, por mund të kemi të bëjmë me një vepër penale,” thotë Guvernatori Christie.
Që nga fillimet e hetimeve, ish-menaxheri i fushatës së Donald Trumpit, Paul Manafort ishte ndër personat më të përfolur.
“Nëse janë ngritur akuza kundër Paul Manafortit, dhe sipas fjalëve, ai u ka thënë të tjerëve se mund të jetë ndër të akuzuarit, mund të arrijmë të marrim përgjigje për disa pyetje shumë esenciale: qeveria ruse, përmes ndërmjetësve të saj, po kontaktonte fushatën Trump, Paul Manafortin dhe të tjerë; po ofronte informata mbi Hillary Clintonin që mendonte se do të ndihmonin fushatën e kandidatit Trump. Pyetja është: çfarë informatash u përcollën, nga kush dhe kujt iu dorëzuan gjatë këtij procesi,” pyet ligjvënësi demokrat Adam Schiff.
Dje, presidenti postoi një koment në Tëitter ku sulmonte procesin hetimor si “një sajesë” dhe “gjueti partiake shtrigash”. Presidenti po ashtu u ndal tek njoftimet e fundit nga media se demokratët kishin mbështetur me fonde një hetim të një ish-agjenti britanik që kishte dalë me akuza bombastike, por të pavërtetuara kundër zotit Trump.
“Qëndrimi ynë nuk ka ndryshuar që nga dita e parë. Tani po mësojmë se nëse ka pasur akorde të fshehta me Rusinë, ato i ka bërë Komiteti Demokratik Kombëtar dhe Klintonët, por jo fushata republikane,” tha zëdhënësja e Shtëpisë së Bardhë, Sarah Huckabee Sanders.
Hetimet e Kongresit kanë rezultuar në procese publike ku kanë dalë hollësi mbi fushata të orkestruara nga rusët për të përhapur disinformim, të cilat kanë pasur në objektiv fushatën e kandidates demokrate, Hillary Clinton. Ditën e nesërme shefat ekzekutivë të platformave dixhitale dëshmojnë në Kongres mbi hapat që po marrin për të mbrojtur median sociale nga ndërhyrjet tendencioze nga agjentë të huaj gjatë fushatave politike.
