Një automjet tip Benz është përfshirë nga flakët mëngjesin e sotëm në Tepelenë, në lagjen “Mustafa Matohiti”.
Automjeti me targë AA 400 LH rezulton se është në pronësi të shtetases Erjola Braha, ish-drejtoreshë e spitalit Tepelenë dhe ish-kandidate e LSI-së në zgjedhjet e fundit.
Në momentin që është përfshirë nga flakët, automjeti ka qenë i parkuar dhe është djegur pothuaj plotësisht.
Nga veprimet e para hetimore të kryera, si dhe nga deklarimet e dhëna nga bashkëshorti i shtetases Erjola Braha, dyshohet se mjeti ka marrë flakë aksidentalisht.
Vetë ish-kandidatja ka refuzuar të bëjë denoncim në polici, duke pretenduar se kishte lënë dritat ndezur.
