Ish-kryeministri Sali Berisha bëri një deklaratë të fortë kur tha se Emiljano Shullazi aktualisht në burg dhe në proces gjyqësor për disa akuza ka kërcënuar kryeministrin Edi Rama. Në emisionin “Studio e Hapur”, Berisha beri një paralelizëm ndaj Tahirit dhe Shullazit. Duke folur për komprometimin e provave dhe sa i rrezikon provat ish-ministri Saimir Tahiri nëse nuk arrestohet, Berisha tha se edhe në burg mund t’i prishë, duke sjellë si shembull Emiljano Shullazin. Ish-kryeministri tha se Shullazi ka tre celularë në burg dhe me njërin komunikon me Ramën. I ngacmuar nga gazetarja Vasili nëse e kërcënon, Berisha aprovoi.
Berisha: Emiljano Shullazi rri me tre celularë në burg. Me njërin flet me Ramën. Ai komunikon me Ramën në telefon. I duhet me çdo kusht të dalë nga burgu. Pa diskutim e kërcënon Ramën.
