Shteti Islamik ISIS, vazhdon të lëshojë kërcënime në drejtim të botërorit që do të organizohet vitin e ardhshëm në Rusi. Këtë herë kanë zgjedhur yllin e Barcelonës Lionel Messin, për ta përdorur si imazh terrori. Ata e kanë vënë pas disa hekurash, duke derdhur lot gjaku. Ky imazh është publikuar nga “Wafa Media Foundation”, si formë presioni për të terrorizuar sportdashësit që të mos udhëtojnë për të ndjekur këtë eveniment.
I shoqëruar me diçiturën: “Vetëm Terrorizëm” dhe komentin: “Po luftoni një shtet që nuk e përmban fjalën “dështim” në fjalorin e tij”, shfaqet legjenda e Barcelonës dhe Argjentinës, që mban veshur një uniformë buru, me emrin e tij të shkruar në gjoks. Teksti në arabisht pasqyron atë që thuhet në anglisht, për një efekt maksimal. Ky nuk është imazhi i vetëm i publikuar në këtë fushatë shokuese të ndërmarrë nga grupet që funksionojnë për ISIS, të cilat synojnë ndikimin e tyre në vendet e perëndimit. Një tjetër imazh i publikuar javën e kaluar shfaq simbolin e Kupës së Botës ngjitur me një njeri të maskuar që mban në duar një kallashnikov, shoqëruar me tekstin: “Na prisni!”.
