Kryeministri Edi Rama po zhvillon një takim në Ministrinë e Brendshme, pas situatës politike të tensionuar në vend.
Në këtë takim po prezantohet Dokumenti i Politikave Prioritare në fushën e rendit dhe sigurisë.
Kryeministri e nisi fjalën e tij mjaft ashpër, duke sulmuar politikën dhe medien teksa mbrojti Policinë e Shtetit.
Duke iu referuar çështjes Tahiri, por pa përmendur emra, Rama tha se krimi po përdoret për të bërë politikë.
FJALA E RAMËS:
Furtunat e kazanit të politikës dhe medieve ngrihet mbi kokat e punonjësve të policisë.
Besoj që sot është dita e duhur të marr parasysh edhe pasqyrat e rezultateve të 9 mujorit për të ngritur disa çështje në vëmendjen tuaj dhe në vëmendjen e publikut.
Jam ndjerë vërtet mirë nga rezultatet e deritanishme të kësaj periudhe të vitit, por ndihem edhe keq kur shoh dhe kuptoj që përtej rezultateve kemi të bëjmë me një situatë, ku Policia e Shtetit së brendshmi ndeshte me shfaqje të papranueshme dhe së jashtmi me një furi të papranueshme, një furi balte, një furi akuzash, një furi përpjekjesh të cilat synojnë jo vetëm ato që thuhen publikisht dhe që janë politike, por edhe demotivimin e Policisë së Shtetit. Nuk e kemi pasur të nevojshme ta shpikim ne, e kanë shpikur të tjerët kohë përpara nesh shprehjen e thjeshtë të së vërtetës së politika me krim është mbështetje për krim dhe sot krimi gjen mbështetje pikërisht te politika me krim.
Nuk është një gjë e re, por është shfrytëzimi i krimit për të bërë politikë.
U bënë 4 vjet që Pol e Shteti është institucioni më i sulmuar në Shqipëri. Nuk besoj se duhet shumë inteligjencë për t’i dhënë përgjigje pyetjes: Pse? Çfarë ka ndodhur? Pse sulmohet rëndom Policia e Shtetit, që është vënë nën një shënjestër të pandashme dhe është sakatuar e baltosur me fjalë pa pushim.
Deri tani, pa mbaruar muaji tetor i këtij viti, Policia e Shtetit ka sekuestruar 35 milion euro./ Tirana Today
