Ish-ministri i Drejtësisë, Ylli Manjani ka hedhur akuza të forta ndaj kryeministri Edi Rama në momentin që të gjithë flasin për implikimi e Tahirit në rrjetin e drogës. Manjani thotë së është gabim që të gjithë fokusohen tek i vogli dhe jo tek i madhi. “Kanabizimi i vendit ishte projekt politik i Edi Ramës, pa asnjë dyshim,” thotë Manjani. Gjithashtu, ai thotë se “Saimiri do ti duhet të paguajë haraçin e të qenit luajal ndaj Ramës. Po të kisha gjë në dorë do isha gati tja falja atë haraç, vetëm që të shkojë “haka te i zoti”. Dhe i zoti i drogimit të vendit të tij është kryeministri!
Manjani u shkarkua nga kryeministri Edi Rama duke u zëvendësuar nga Petrit Vasili. Pas shkarkimit, Manjani hodhi një lumë kritikash ndaj qeverisë, duke folur për një hakmarrje të kryeministrit për shkak të qëndrimeve të tij publike ndaj fenomenit të kultivimit të marijuanës dhe kundërshtimeve që siç tha ai, i kishte bërë disa praktikave korruptive.
Statusi i plotë i Manjanit
Jo Saimiri, por Rama!
Gabimi i madh që bëhet është fokusi tek i vogli që kapet mat! Kanabizimi i vendit ishte projekt politik i Edi Ramës, pa asnjë dyshim!
Saimiri do ti duhet të paguajë haraçin e të qenit luajal ndaj Ramës. Po të kisha gjë në dorë do isha gati tja falja atë haraç, vetëm që të shkojë “haka te i zoti”. Dhe i zoti i drogimit të vendit të tij është KRYEMINISTRI!
Kjo nuk më tundon aspak që të heq petkun e juristit dhe të bë thirrje për arrestime! Jo nuk bërë ky ligjërim publik! Kam bindje se sado e dobët të jetë drejtësia, është prapë më e mirë kur funksion e pavarur!
Por një lutje publike e kam, për Kryeministrin: zotëri DORËHIQU! Nuk ka asnjë të vërtetë të besueshme me autorin e drogimit të vendit në detyrën e Kryeministrit! Bëje këtë gjë edhe në emër të sa ke thënë deri më sot për të tjerët!
Që të jem edhe më i qartë. Nuk jam për ndërprerje të mandatit qeverisës të PS. Jo! PS duhet ta mbyllë këtë mandat që ka fituar, pavarësisht se si! Por Edi Rama duhet të largohet nga detyra publike! PS të zgjedhë një qeveri tjetër, por pa Edi Ramën.
Nëse nuk largohet duhet hequr! Opozita ka një moment të artë për tu vënë në krye të popullit! Me protesta dhe me çadra në çdo anë të kryeministrisë deri sa Edi Rama të jetë larguar nga detyra!
Unë nuk di rrugë tjetër! Çdo gjë që ky Kryeministër bën, s’ka më legjitimitet! Moral jo e jo!
Është e kotë të bërit politikë opozitare për çdo gjë tjetër! Ai është në anën e të keqes!
