Një 22-vjeçar, i cili shpërndante kanabis në shkolla e klabe në Dibër, është arrestuar nga policia.
I riu, i identifikuar si Jogen Muça ka rënë në pranga pas kontrollit të ushtruar në banesën e tij në njësinë Administrative Tomin-Dibër, ku në oborrin e banesës kanë gjetur të kultivuar një bimë e dyshuar narkotike, ndërsa gjatë kontrollit brenda banesës kanë konstatuar dhe sekuestruar një sasi prej rreth 400 gramë lëndë e thatë e dyshuar narkotike.
NJOFTIMI I POLICISË:
Finalizohet me sukses një tjetër operacion antidrogë i koduar “Shpërndarësi”. Operacioni nga Komisariati i Policisë Dibër në bashkëpunim me Seksionin për Hetimin e Narkotikëve në D.V.P. dhe me Prokurorinë. Kultivonte bimë narkotike dhe lëndën narkotike e shpërndante në doza të vogla në lokale nate e në ambiente përreth shkollave.
Sekuestrohet një sasi prej rreth 400 gram lëndë e thatë e dyshuar narkotike, si dhe një bimë narkotike e kultivuar në oborrin e banesës. Sekuestrohet dhe një sasi e konsiderueshme qesesh farmaceutike që përdoreshin për shpërndarjen e lëndës narkotike ne doza te vogla.
Kapet dhe ndalohet 22-vjeçari, i shpallur në kërkim prej disa ditësh, i dyshuar si autor i kultivimit dhe shpërndarjes së lëndës narkotike.
Kapet dhe ndalohet shtetasi: Jorgen Muça, 22 vjeç, banues në njësinë Administrative Tomin, Dibër. Shërbimet e Policisë kanë marrë informacion në rrugë operative se ky shtetas dyshohej se kishte kultivuar bimë narkotike në numër të vogël dhe lëndën narkotike të prodhuar e shpërndante në ambientet e jashtme të shkollave dhe lokale.
Efektivët e Komisariatit të Policisë Dibër në bashkëpunim me Specialistët për Hetimin e Narkotikëve në D.V.P. dhe me Prokurorinë kanë organizuar dhe zhvilluar operacionin për kontrollin e banesës dhe kapjen e këtij shtetasi.
Si rezultat i operacionit efektivët e policisë me datë 10.10.2017, kanë ushtruar kontroll në banesën e tij në njësinë Administrative Tomin-Dibër, ku në oborrin e banesës kanë gjetur të kultivuar një bimë e dyshuar narkotike, ndërsa gjatë kontrollit brenda banesës kanë konstatuar dhe sekuestruar një sasi prej rreth 400 gramë lëndë e thatë e dyshuar narkotike, si dhe një sasi e konsiderueshme qesesh farmaceutike që përdoreshin për shpërndarjen e lëndës narkotike.
Nga hetimet e kryera rezulton se autor i dyshuar i kësaj ngjarje është shtetasi Jorgen Muça, i cili në momentin e kontrollit të banesës nga policia nuk ndodhej në banesë. Ky shtetas ishte shpallur në kërkim me datë 10.10.2017, ku u kap dhe u ndalua gjatë ditës së djeshme nga efektivët e policisë Dibër.
Materialet proceduriale i kaluan Prokurorisë Rrethit Gjyqësor Dibër për veprat penale “Kultivim i bimëve narkotike”, “Prodhim dhe shitje të lëndëve narkotike”, parashikuar nga nenet 284, 283 të Kodit Penal.
[ngg_images source=”galleries” container_ids=”512″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
