Kreu i grupit parlamentar të LSI-së, Petrit Vasili ka dalë në një konferencë për mediet, ku ka dhënë alarmin lidhur me koncesionet.
Vasili përmendi nismën e propozuar nga disa deputetë, e cila u bllokua nga drejtuesit e PS-së në komision, ndërsa shtoi se kjo mund të sjellë rritjen e borxhit publik deri në 7%.
“Unë dhe një grup deputetësh kemi propozuar me kohë një nismë ligjore për koncesionet e qeverisë, nismë që është bllokuar prej 1 viti e gjysmë nga drejtuesit e Partisë Socialiste në komision. Transparenca parlamentar që ne propozonim ka qenë krejt kundër qëllimeve të koncesioneve, qëllime të errëta me impakte jo pozitive. Ato mund të sjellin një rrezik të madh pasi mund të bëjnë që borxhi publik të rritet deri në 7%. FMN flet qartë se projekti prej 1 miliard eurosh që bazohet tek koncesionet është një lajm i zi për shqiptarët. FMN nënvizoi se ky menaxhim i dobët i ekonomisë ka rritur borxhet. Investimet me koncesion janë një lajm i zi për ekonominë. Sot është koha për një reflektim shumë të thellë dhe ekonomia shqiptare duhet të jetë në monitorim pasi e ardhmja ekonomike është në dyshim.”- tha Vasili.”, tha ndër të tjera Vasili.
