Ministri i Financave në Greqi Euklid Tsakalotos ka dorëzuar këtë të hënë në parlament projektbuxhetin për vitin 2018, i cili parashikon një normë rritjeje pre 2.4 për qind dhe një suficit primar prej 3.5 për qind të prodhimit të brendshëm bruto(PBB).
Sipas njoftimeve të Agjencisë së lajmeve të Athinës (ANA), objektivat e projektbuxhetit janë në përputhje me ato të Strategjisë Fiskale Afatmesme dhe arritja e tyre pritet të çojë në përfundimin e marrëveshjes së tretë të ndihmës në gusht të 2018.
Drafti thotë se objektivi i suficitit primar të vitit 2017 ka tejkaluar pritjet. Tani ajo qëndron në 2.2% të PBB-së në vend të objektivit prej 1.75%.
ANA thotë se tejkalimi, siç ka njoftuar qeveria, pritet të ndahet si një divident social për grupet e rrezikuara të popullsisë në bazë të vendimeve që do të merren në periudhën e ardhshme.
Ndër të tjera, projektbuxheti për vitin 2018 parasheh:
– Reduktimi i papunësisë nën 20%.
– Rritja e konsumit privat me 1.4%
– Reduktimi i konsumit publik me 0.2%
– Rritja e investimeve totale private dhe publike (formimi i kapitalit fiks bruto) me 12.6%
– Rritja e eksporteve të mallrave dhe shërbimeve me 4.7%
– Rritja e importeve të mallrave dhe shërbimeve me 4.4%.
