Roma mposht Milanin 2-0 në ‘San Siro’ duke e thelluar akoma më shumë krizën në kampin kuqezi, pasi regjistrojnë dy humbje radhazi në kampionat. Formacioni i Montellas-s mund të themi se zhvilloi një ndeshje të mirë deri në minutën e 72’ kur Edin Dzeko shënon golin e parë nga një goditje jashtë zone i ndihmuar edhe nga devijimi i Romagnolit. Ndërsa pesë minuta më vonën shënon edhe Florenzi i cili con në 2-0 dhe vulos takimin.
Milan e mbyll ndeshjen me 10 lojtarë pas kartonit të kuq që merr Calhanoglu në të 80’, paraqitje jo e mirë e turkut që ka gabuar në shumë krosime. Kjo humbje mund të ndryshojë shumë gjëra në kampin milanez, pasi drejtuesit nuk do të falin nëse pritshmëritë për të kapur zonën e Champios mund të veniten. Raste të shumta shënimi kishte edhe Milan, pasi Roma luan një lojë sulmuese dhe lein hapësira mbrapa, si çishte rasti i Bonuccit por që u ndal nga portieri roman.
Roma nga ana tjetër zhvillon një ndeshje pozitive dhe në rastet që i krijohen nuk fal. Ekipi i Di Francesco arrin kuotën e 15 pikëve dhe është në -6 nga kreu, por nuk duhet harruar që është një ndeshje më pak. Vetëm Inter e ka mposhtur Romën në sfidat e luajtura deri tani.
https://www.youtube.com/watch?v=OpyToLj2lHo&ab_channel=WorldFootball
