Instituti i Statistikave ka publikuar raportin “Lejet Ndërtimit”.
Sipas këtyre të dhënave, në tremujorin e dytë të 2017-ës janë miratuar gjithsej 197 leje ndërtimi për ndërtesa të reja, me një sipërfaqe rreth 229.387 m2.
Ndër këto leje të miratuara, 61,4% e numrit gjithsej të lejeve e zënë ndërtesat rezidente, ku përfshihen ndërtesat për banim.
Ndërkohë, numri i lejeve miratuar për ndërtesa jo rezidente (ku përfshihen ndërtesat për hotele dhe të ngjashme, zyra, tregtare, industriale dhe të tjera) zë 38,6%.
Gjatë tremujorit të dytë 2017, në numrin e lejeve të ndërtimit të miratuara për ndërtesa të reja, përqendrimin më të madh e kanë qarku i Tiranës me 29,9 % dhe i Fierit me 18,8%.
