Pas përfundimit të mbledhjes së grupit të PD-së, kryetari Basha ka dhënë një deklaratë për mediat.
Kryedemokrati u shpreh se reforma zgjedhor është urgjencë absolute, ndërsa tha se marrëveshja e 18 majit “vdiq” pas vjedhjes së votave nga Rama.
Ndër të tjera, Basha deklaroi se votimi elektronik është përparësi për PD-në.
FJALA E BASHËS:
Reforma zgjedhore është urgjencë absolute. Duke filluar që nga kjo javë, ne do të nisim konsultimet politike për t’i shtrirë më pas në rrafshin e konsultimeve me qytetarët dhe intelektualët. Brenda javës do të nis konsultimet me aleatët opozitarë të PD-së.
Rama pretendon se ka marrëveshje, nuk ka për një arsye të thjeshtë sepse e shkeli, vodhi votën e shqiptarëve. Ky është një cirk.
Qëndrimi im dhe i PD-së ka qenë i qartë që në seancën e parë. Marrëveshja vdiq sepse Rama shkeli thelbin e marrëveshjes, bleu votat.
Votimi elektronik është përparësi absolute dhe vetëm nëpërmjet tij shpallet votimi i emigrantëve që është përparësi i PD-së.
PD ka qenë dhe është e hapur për çdokënd që do të kontribuojë.
