Kryetarja e Lëvizjes Socialiste për Integrim, Monika Kryemadhi shpjegoi arsyen përse 19 deputetët e kësaj force politike nuk e votuan zgjedhjen e Gramoz Ruçit në krye të Kuvendit.
Kryemadhi tha se vendimi ka qenë politik, përtej çështjeve personale. Ajo shtoi se ka pasur ndërhyrje nga përfaqësues të mazhorancës për të votuar Ruçin.
“Drejt LSI ka pasur oferta, kërkesa, apo dhe shantazhe e presione për të marrë pjesë në votim”.
Kryemadhi përmendi emrin e ministrit të Financave, Arben Ahmetaj i cili sipas saj i ka kërkuar të votojë Ruçin për postin e kreut të Kuvendit.
“Arben Ahmetaj më ka thënë pse nuk voton ti për Gramozin. Ndoshta kjo është normale se dhe unë po të isha në vend të Arbenit do i thosha pse nuk voton t’i Luan Ramën p.sh. Ne morëm një vendim në grup që do të qëndrojmë në sallë, por nuk do të marrim pjesë në grup. Kush votonte, mund të merrte pjesë por nuk do ishte më pjesë e grupit tonë”.
