Ka përfunduar në paqe ndeshja midis Maqedonisë dhe Shqipërisë. Kombëtarja Shqiptare ka luajtur një transfertë tepër të vështirë ndaj Maqedonisë.
Pas “52 minutash në “Ferr”, kuqezinjtë kanë shënuar me anë të Odise Roshit duke çliruar rezultatin e ndeshjes.
Pas një kundërsulmi nga krahët , Sadiku ka krosuar dhe me mjeshtëri e ka dërguar me kokë topin në rrjetë.
Maqedonia ka barazuar me anë të një 11 metërshi në minutën e ‘78.
Lojtari i cili i dha golin Kombëtares kuqezi, Odise Roshi, ka prekur një top me dorë dhe Trajkovski ka shënuar nga pika e bardhë e penalltisë.
Ndeshja, e cila është e vlefshme për eliminatoret e botërorit “Rusi 2018” po zhvillohet në stadiumin e Strumicës.
Minuat Pas Minute
77’ Penallti e dyshimtë për Maqedoninë. Pas një harkimi në zonë, Hysaj largon por topi preket me dorë nga Roshi. Erikson bën shenjë nga pika e bardhë.
75’ Dy goditje radhazi të Alioskit që largohen nga Berisha.
67′ E tepron Roshi me një ndërhyrje të panevojshme ndaj kundërshtarit dhe merr kartonin e verdhë që e mban edhe atë larg ndeshjes me Spanjën.
61’ Bardhi mundohet të zgjidhë gjithçka vetë me goditjen e radhës nga jashtë zonës, pa gjetur kuadratin e Berishës.
58’ Sadiku humb mundësinë e golit të dytë. Memushaj nga e majta i jep një pasim perfekt sulmuesit i cili në mënyrë të pabesueshme gjuan jashtë.
56’ Goditje dënimi e Memushajt, direkt në portën e Dimitreskit, i cili largon topin në goditje këndi.
53’ Odise Roshi. 0-1. Shqipëria në avantazh.
47’ Ajeti largon harkimin e radhës drejt zonës së kuqezinjve, duke kaluar topin në fundore.
46’ Rifillon ndeshja me dy zëvendësime te Shqipëria. Basha dhe Memushaj zënë vendin në fushë të Llullakut dhe Kukelit.
45′ Mbyllet pa asnjë minutë shtesë pjesa e parë.
43’ Kombinime Roshi-Hysaj-Hyka në të djathtë, por askush nuk arrin të harkojë në zonën e Maqedonisë.
43’ Kombinime Roshi-Hysaj-Hyka në të djathtë, por askush nuk arrin të harkojë në zonën e Maqedonisë.
42′ E verdhë edhe për Kukelin, edhe ai do të mungojë ndaj Spanjës.
38’ Ajeti tregohet i vëmendshëm përsëri duke larguar një top interesant nga mesfusha e Maqedonisë për Pandev.
37′ Mavraj ndëshkohet me karton të verdhë dhe do të mungojë në ndeshjen ndaj Spanjës pasi shkeli Nestorovskin.
32’ Hyka dhe Llullaku janë të vetmit që mundohen të krijojnë diçka për skuadrën e Panuçit, por mbrojtja kundërshtarë lexon mirë lëvizjet e tyre për të bllokuar çdo tentativë qenë hapat e parë. Pa ide dhe pa gjuajtje në portë Shqipëria, kur ka kaluar më shumë se një gjysmë ore lojë.
23’ Goditje e fortë e Pandev nga jashtë zonës, Berisha grushton me vështirësi dhe pastaj mbrojtja largon rrezikun, përsëri drithërima për portën shqiptare.
21’ Një pasim mjaft interesant në qendër për Llullakun nuk shfrytëzohet nga numri 11 i kuqezinjve i cili vonohet dhe mbyllet nga mbrojtja kundërshtare pa arritur të gjuajë në portë.
17′ Loja zhvillohet kryesisht në gjysmëfushën shqiptare, pasi kuqezinjtë dorëzojnë shpejt sferën, ndonëse mundohen të luajnë nga krahët.
15’ Nestorovski i shmanget mbulimit të mbrojtjes dhe në rrëshqitje e sipër, gjuan, pa gjetur kuadratin e Berishës,. Vazhdon të thumbojë ekipi vendas.
13’ Deri tani, Maqedonia duket në kontroll të plotë të mesfushës dhe e ka të lehtë të kalojë dyshen Lila-Kukeli.
1’ Alioski shpërthen në krahun e majtë të sulmit të vendasve, harkon në qendër por aty Pandev është i pavëmendshëm dhe fatmirësisht nuk devijon drejt portës. Ajeti dhe Mavraj largojnë me vështirësi topin.
7’ Shumë agresive Maqedonia në minutat e para, duke sulmuar mbajtësit e topit në radhët e përfaqësueses shqiptare.
4’ Rrezik në portën e Berishës. Ristovski arrin të pasojë në qendër nga e djathta, fatmirësisht Nestorovski nuk mbërrin dhe Ajeti largon sferën në këndore.
2’ Sadiku provon me një gjuajtje të fortë drejt portës në nëj goditje dënimi ballore, topi përplaset në murin mbrojtës.
1’Fillon me skandal ndeshja, vërshëllima dhe fyerje gjatë nga tifozët maqedonas gjatë Himnit të Flamurit
