Kryeministri Edi Rama, gjatë bashkëbisedimit të sotëm me gazetarët në Llogara, ka folur edhe për kundërshtarët e tij.
Pas zgjedhjeve, LSI u vetëshpall opozita e vërtetë e vendit, por cilën parti sheh kryeministri Rama si partinë kryesore opozitare?
Kryeministri tha se LSI është opozitë nga halli, ndërsa partia kryesore opozitare e vendit është Partia Demokratike.
Gjithashtu, Rama “mbrojti” Bashën teksa tha se marrëveshja e tyre e 18 majit nuk ishte një tradhti ndaj PD-së, si dhe pranoi se raporti institucional me Metën është i mundur.
FJALA E RAMËS:
PD është partia kryesore opozitare e vendit. LSI në opozitë për shkak të gabimeve trashanike dhe strategjike të vetat. LSI është opozitë nga halli, nga ana e pikëpamjeve LSI është më afër nesh. Raporti institucional me Metën është i mundur.
Marrëveshja e Bashës me mua, jo tradhti ndaj PD-së. Basha djalë i mirë? Jam i sigurt se po.
