Barcelona dhe Borussia e Dortmund kanë realizuar më në fund një marrëveshje zyrtare për transferimin e Ousmane Dembele për 105 milionë euro plus bonuset.
Dembele do të nënshkruajë një kontratë 5-vjeçare dhe klauzola për prishjen e saj është 400 milionë euro. Ai do të mbërrijë në Barcelonë të dielën dhe do t’i nënshtrohet testeve mjekësore të hënën në mëngjes. Prezantimi i tij përpara mediave dhe tifozëve do të bëhet në Camp Nou.
Ousmane Dembele është 20 vjeç, dhe është një nga talentët më premtues në botë. Sulmuesi i krahut dallon për aftësitë e tij në triblim dhe shënimin e golit.
