Gjatë merkatos së verës, Partizani kishte piketuar sulmuesin e Lacios, Brajan Perea por kjo duket pothuajse e pamundur në kushtet aktuale. Përpos dëshirës së klubit italian për ta huazuar lojtarin te “demat”, kolumbiani ka vendosur veton duke e refuzuar kalimin në futbollin shqiptar.
Lacio ka tendencën për të liruar një vend për lojtarë ekstrakomunitarë, prandaj është e prirë për ta shitur sulmuesin, i cili në sezonet e fundit është huazuar në klube të ndryshme. Zërat e fundit të merkatos e lidhin Brajan Perean me një transferim të mundshëm në Spanjë. Gjasat janë që Lacio ta shesë sulmuesin kolumbian te Leganes.
Drejtuesit e Partizanit sapo kanë mësuar për refuzimin e Pereas janë hedhur në sulm për gjetjen e një alternative tjetër dhe i fundit që ka dalë në skenë është ish-sulmuesi i Interit, Aiman Napoli.
