Presidenti i Komisionit Evropian, Jean-Claude Juncker, ka uruar kryeministrin Edi Rama fitoren në zgjedhjet e 25 qershorit.
Pjesë e masazhit të Juncker drejtuar Ramës ishte edhe apeli për të tejkaluar kontrastet me opozitën si dhe për të vazhduar reformat e nisura.
“Ju keni një mandat të qartë për të ndjekur reformat që tashmë kanë filluar. Ju përgëzoj për rezultatin e arritur në zgjedhje. Rezultati tregoi për një mandat të qartë. Rruga e Shqipërisë në BE kërkon një debat konstruktiv . Me opozitën të bisedoni e të tejkaloni kontrastet. Shqipëria është një partner i rëndësishëm për BE-në. Keni të gjithë mbështetjen e Komisionit Europian,” thuhet në mesazhin e urimit të Juncker.
