Kryetari i Partisë për Drejtësi Integrim dhe Uunitet, Shpëtim Idrizi ka folur për herë të parë pas zgjedhjeve parlamentare të 25 qershorit duke pretenduar se votat e PDIU iu numëruan një partie tjetër. Deklarata e Idrizit u bë në emisionin “Kjo Javë”. Idrizi tha se PDIU-në e penalizon sistemi zgjedhor.
“Ne po marrim të gjitha të dhënat dhe po presim që KQZ të certifikojë votat dhe rezultatin. Mund t’ju them se në dijeninë time nuk janë hedhur të gjitha votat në sistem sepse janë pa hedhur ende edhe 3 kuti. Brenda këtyre kutive janë kufiri i 3% që i nevojitet PDIU për të marrë mandatin në Tiranë. Por ajo që penalizon PDIU është sistemi zgjedhor. Ne kemi 12347 vota. Pra ne nuk është se kemi marrë votat, por bëhet fjalë për 0, 003 %. Anëtari i KQZ nuk mund të prononcohet pa u certifikuar rezultati. Votat e PDIU i janë hedhur një partie tjetër”- tha Idrizi.
