Policia e Shtetit njoftoi se ka zhvilluar një operacion të drejtuar dhe monitoruar nga kreu i saj, Haki Çako, në disa prej terreneve më të vështira të vendit.
Operacioni nga ajri, deti e toka, që ka nisur prej datës 30.06.2017, ishte i fokusuar në rikontrollin e territorit për parandalimin, evidentimin dhe goditjen e kultivimit të Cannabisit si dhe të magazinimit dhe trafikimit të lëndëve narkotike.
Forcat RENEA që rrezikuan jetën në një terren super të vështirë, asgjësuan në Dukagjin, 920 bimë Cannabis Sattiva.
Tërheqja e forcave nga ky terren, u bë e mundur me anë të helikopterit.
Në përfundim Çako ka theksuar se Policia e Shtetit do ta përmbushë me sukses këtë prioritet kombëtar të qeverisë për zerimin e fenomenit Cannabis këtë vit.
