Seanca e parë e Kuvendit të ri, të dalë nga zgjedhjet parlamentare të 25 qershorit, do të çelet nga ish-kryeministri Sali Berisha, për shkak se është deputeti më i vjetër i Parlamentit.
Drejtuesi i përkohshëm i seancës do të ngrejë një sekretariat prej tre deputetësh, të cilët do bëjnë verifikimin formal të mandateve duke paraqitur një raport, ndërsa pas verifikimit të mandateve, 140 deputetët do të bëjnë betimin në seancë.
Në vitin 2013, pas humbjes së zgjedhjeve, Berisha e refuzoi hapjen e legjislaturës, duke ia kaluar këtë detyrë socialistit Namik Dokle, si deputeti më i vjetër në moshë pas tij.
Nuk dihet nëse Berisha do ta refuzojë edhe kësaj here drejtimin e seancës së parë Kuvendit, i ndarë kësaj here me 74 deputetë të PS, 43 të PD, 19 të LSI, 3 PDIU dhe Tom Doshin.
