Një incident ka ndodhur gjatë një takimi elektoral në fshatin Bërxull. Takimi po zhvillohej në një lokal të kthyer si zyrë elektorale për një subjekt politik, për të cilin nuk ishte bërë njoftim në Policinë e Tiranës.
Sipas njoftimit të policisë, gjatë takimit ka lindur një konflikt mes shtetasve N.P, 45 vjeç dhe A.S, 40 vjeç.
Konflikti ka degraduar në plagosjen me mjete prerëse të shtetasit A. S., i cili ndodhet në spital jashtë rrezikut për jetën.
Gjithashtu, mësohet se shtetasi N. P. është shoqëruar në ambientet e Komisariatit të Policisë Vorë.
Grupi hetimor në vendin e ngjarjes po punon për sqarimin e rrethanave të konfliktit.
