Në takimin e radhës elektoral, të mbajtur në qytetin e Shkodrës, kryeministri Rama ka ironizuar kryedemokratin Basha, se ka filluar të bëhet merak për presidentin e zgjedhur, Ilir Meta.
Sipas Ramës, “Luli ka filluar të sëkëlldiset nga ndërhyrjet e pajustifikueshme të atij që është Presidenti i zgjedhur i Shqipërisë”.
Ndaj sipas kryeministrit, tashmë nuk ka kohë për t’u marrë me njëri-tjetrin.
“Më vjen keq që me një marrëveshje historike për t’i dhënë fund një konflikti të nxitur nga PD, duke e nxjerrë PD-në dhe Lulin nga çadra ku ishin futur nga frika e drejtësisë, Luli ka filluar të sekëlldiset nga ndërhyrjet e pajustifikueshme të atij që është Presidenti i zgjedhur i Shqipërisë. Ne nuk kemi asnjë minutë për të humbur në këtë fushatë duke u marrë me njëri-tjetrin. Kjo është fushatë që PS do e bëjë deri në fund për shqiptarët e zakonshëm. Ata nuk bënë dot shtet deri para 44 muajsh, dhe lanë të kuptohet që ky shtet nuk bëhet, por ne provuam të kundërtën. Imagjinoni ça thotë Luli që do t’i ushqej unë fëmijët tuaj falas, do me thënë prindërit mjafton të votojnë PD-në e Lulit e të mos shqetësohen për fëmijët se i ushqen ai,” u shpreh Rama para mbështetësve.
