Kreu i Partisë Demokratike, Lulzim Basha në një takim me gratë dhe vajzat në qytetin e Elbasanit theksoi se ccdokush që do të prekë biznesin e vogël do të përfundojë në burg. Basha duke ashpërsuar tonet vuri në dukje se kryeministri Rama nuk i ka zeruar taksat ndaj biznesit të vogël por përkundrazi i ka rritur ato, madje duke iu vendosur gjoba atyre.
Basha tha se kryeministri nuk ka asnjë plan për zhvillimin ekonomik. Por, ndryshe nga Partia Socialiste, Basha shpjegoi se PD ka një plan të mirëmenduar për rritjen e ekonomisë. Për këtë ai e cilësoi veten si kryeministri i ekonomisë që do të vërë në lëvizje motorin e punësimit.
“26400 familje iu mbyll biznesi sepse Rama rriti çmimin e naftës dhe të bukës, dhe çfarë bëri vetëm fasada, dhe pllaka. Premtoi 300 mijë vende pune. Por, nuk hapi asnjë vend pune sepse kishte premtime boshe vetëm për të marrë votën. Edhe sot vjet bën premtime të tjera kur nuk ka mbajtur pretime të tjera. Nuk ka asnjë plan, por i ka premtime elektorale. Ndërsa ne vijmë me një plan ekonomik për të rindezur motorin ekonomik. Unë nuk jam i interesuar për timonin, por vetëm për zbatuar këtë plan ekonomik. Ky është një plan ekonomik gjerman dhe e kam parë se si ka funksionuar. Unë do ta bëj këtë plan të funksionojë si kryeministri juaj i ardhshëm. Ky është pjesë e plani të mirëmenduar. Rama ka frikë ta lexojë. Edhe nuk di edhe nuk e lexon. Taksa e biznesit të vogël nuk është zero. Por, janë rritur taksat, duke futur taksat e gjelbërimit, taksa e pastrimit, por iu vendosin edhe gjoba. Terrori mbi biznesin e vogël do të marrë fund. Kush bën presion apo vendos gjoba ndaj biznesit të vogël do të dërgohet në burg. Nuk mund të preket biznesi i vogël”, u shpreh Basha.
