Trajneri i Kombëtares tonë të futbollit, Xhani De Biazi shkëputet përfundimisht nga skuadra që drejtoi prej më shumë se pesë vitesh.
I emocionuar dhe i keq ardhur deri në përlotje, ai dha sot dorëheqjen pas njoftimit të djeshëm se nuk do të rinovonte kontratën në fund të edicionit.
Në një konferencë për shtyp bashkë me presidentin e FSHF-së, Armando Duka, bëri me dije mbylljen e bashkëpunimit me Shqipërinë.
“Që nga dita sotme nuk jam më trajner i Kombëtares Shqiptare. Dëshiroj të theksoj se që nga dita e sotme do të largohem nga drejtimi skuadrës përfaqësuese duke mos pasur një ekip me të cilin të punoj. Po largohem me shumë vështirësi, por i vetëdijshëm që cikli im në këtë grup ka mbaruar.
Falenderoj të gjithë ata që bashkëpunuan në rritjen dhe zhvillim e projektit të Shqipërisë që na çoi në rangun e 22 të FIFA-s”, u shpreh De Biazi.
