Heqja e sistemit të vizave nga qeveria shqiptare, ndaj disa shteteve të ish-BS etj, dha efektin e parë.
Avioni i parë me 150 turistë nga Biellorusia u ul mëngjesin e kësaj të hëne në pistën e aeroportit “Nënë Tereza”.
Fluturimet javore nga kryeqyteti Minsk, do të vijojnë të sjellin turistë deri në fund të muajit shtator.
Për tu ardhur në ndihmë turistëve nga vendet e ish-BS, autoritetet shqiptare të turizmit kanë përgatitur materiale informuese në gjuhën ruse. Vendet e tregut rusisht folës, përfshirë edhe vetë Rusinë, janë një potencial i madh i cili lakmohet jo vetëm nga Shqipëria e vogël por nga i gjithë Ballkan. Me mbi 9.5 milionë banore, Biellorusia pritet të rrisë ndjeshëm numrin e turisteve në vendin tonë.
Në kuadër të çeljes së sezonit turistik, pak javë më parë, qeveria miratoi heqjen e vizave për shtete si Rusia, Arabia Saudite, Bjellorusia, Gjeorgjia, Katari, Omani, për periudhën 31 maj – 15 nëntor 2017.
