Rezultatet e sondazhit të parë për votën e qytetarëve të Durrësit i realizuar nga Ora News dhe IPR Marketing rendisin forcë të parë Partinë Socialiste, dytë Partinë Demokratike dhe pas saj vjen Lëvizja Socialiste për Integrim, dhe PDIU.
Partia Socialiste do të merrte 42.2% të votave ose 6 mandate deputetësh, krahasuar me 2013 ku ka marrë vetëm 39.2% të votave.
Partia Demokratike me një mandat më pak, ku ka marrë 35.5% të votave ose 5 mandate. në 2013, PD ka marrë 34% të votave.
Ndërkohë LSI ka marrë 12% të votave, ku lufton për 1-2 mandate. Në 2013 ka marrë 7.5% të votave.
LIBRA e Blushit lufton edhe në këtë qark për një mandat deputeti.
Ka marrë 3.1% të votave. Për një mandat lufton edhe PDIU me 3% të votave nga 2.4% që ka marrë në 2013.
Rënie të madhe ka PR që ka marrë vetëm 1% të votave nga 6.8% në 2013. Nuk merr asnjë mandat.
Poshtë pragut elektoral pozicionohen të gjitha partitë e tjera të vogla.
