Kryetari i Partisë Demokratike, Lulzim Basha, në fjalën e mbajtur para simpatizantëve të tij në Tiranë, tha së kryeministri kërkon që të ketë vetëm timonin e qeverisjes por nuk i intereson shumë nëse i punon motori apo jo. Këtu kryedemokrati e kishte fjalën për ekonominë e vendit. Ai deklaroi se do t`i duart në ekonomi për ta rregulluar atë.
“Rama ka vetëm timonin sepse nuk ka makinë fare. Makina e tij nuk ka motor. Makina pa motor nuk ecë nuk punon. Makina e tij nuk ka motor sepse ai e ka djegur motorin që është ekonomia e vendit. Rama sillet si një fëmijë, mos harroni se një fëmije i lejohet te luaj me një timon, por një burri të rritur jo. Unë do t`i fus duart në motor që ta rregullojë atë”, tha Basha.
Gjithashtu, Basha tha se “Rama i shmanget bilancit për ato që premtoi. Ai nuk flet për premtimet e tij të pa mbajtura. Rama thotë se Shqipëria është mirë por shqiptarët nuk e kuptojnë sepse ai dhe oligarkët e tij kanë përfituar kaq shumë në këto vite.
Do të vendosim një sistem politik evropian. Atje ku qytetarët i kanë në dorë politikanët dhe jo e kundërta. Do të aplikojmë sistemin amerikan “Recall”. Një numër i caktuar mund të nënshkruajnë peticionin për të shkarkuar deputetët, ministrat madje dhe kryeministrin”
Ndërsa në takim Halim Kosova bëri një batutë për kryeministrin duke thënë se “ Me e pa Rama veten shofer autobusi, të jeni të sigurt që as vetë nuk hipën sepse e njeh mirë veten”