Kreu i Partisë Demokratike, Lulzim Basha po zhvillon një takim me banorët e Kukësit. Gjatë fjalës së tij, Basha tha se Rama ka diskriminuar Kukësin, ndërsa u zotua se ai do i japë fund diskriminimit krahinor.
Gjithashtu, kreu i opozitës e pyeti drejtpërdrejt Ramën përse nuk shkoi në Kukës, ndërsa shtoi se kandidatët e tij i ka lënë në Mirditë.
“Edhe pse ne bëmë autostradën, Rama s’paska ardh as deri në Kukës, kandidatët i ka lënë në Mirditë.
Edi pse i le kandidatët në Mirëditë, pse nuk i solle deri në Kukës?”, tha Basha ndër të tjera.
FJALA E BASHËS:
“Kukësi është kthyer në simbol të diskriminimit që kjo qeveri u bën shqiptarëve, duke i ndarë në të majtë e të djathtë. Më lejoni ta nis duke garantuar që unë do të jem kryeministri i drejtë i çdo shqiptari, se unë do i jap fund çdo diskriminimi krahinor. Rama i ka keq punët me çdo shqiptar, akoma më shumë me Kukësin.
I shmanget përballjes sepse nuk ka asnjë bilanc pozitiv. Edhe pse ne bëmë autostradën, Rama s’paska ardh as deri në Kukës, kandidatët i ka lënë në Mirditë.
Edi pse i le kandidatët në Mirditë, pse nuk i solle deri në Kukës?
Ky është kapitullimi i Republikës së Vjetër. Dita e fitores së Republikës së Re po vjen. Nuk ka asnjë rrugë tjetër për vendin. Demokraci do të thotë jo politikanët të kenë në dorë qytetarët, por qytetarët të kenë në dorë politikanët.
Ai tjetri erdhi me daulle, presim këtë tani të vijë e të kërcejë.
Teatër kukullash për t’u tërhequr vëmendjen njerëzve.”
