Ilir Meta, i cili është zgjedhur president i vendit vazhdon të jetë pjesë aktive e fushatës elektorale së Lëvizjes Socialiste për Integrim.
Nga takimi me simpatizantët e tij në Kamëz, Meta tha se Basha dhe Rama po bëjnë gjithccka për të penguar votuesit e LSI-së që të mos votojnë forcën e tij politike. Por, sipas Metës, ata do të jenë të parët që do të kërkojnë të bëjnë koalicion me LSI-në.
“Shkojnë dhe kapin njerëzit për xhakete dhe thonë mos rrini me LSI-në, se ne do të jemi në pushtet. Nuk duhet të gënjeheni nga kjo gjë. Mbajeni mend se më 26 qershor në mëngjes nuk do t’ju lejojnë t’i telefoni Vasilit për fitoren se do të jenë ata që do t’i telefojnë. “Vasil, tani, ti e kupton se si është situata, se kush është më i mirë e kështu me radhë”. Por, Romeo e Zhuljeta nga tragjedi do të përjetohet si komedi, një komedi e paparë”, u shpreh Meta.
Kjo deklaratë e Metës tregon faktin se LSI duket e trembur nga një koalicion i mundshëm paszgjedhor midis kryeministrit Rama dhe kryedemokratit Basha, çka do të shënonte edhe minimizimin e rolit të partive të vogla në skenën politike.
