Deputetja demokrate Dhurata Çupi, nuk la që të kalojnë lehtë deklaratat e kryeministrit Rama në Burrel. Çupi i kujtoi Ramës rastin e Shukri Xhelilit duke i përmendur sjelljen aspak etike të zyrtarëve të tij në raport me gratë.
Kryeministri Edi Rama tha sot në Burrel se PD-ja ka paguar gjobë në KQZ për mungesën e grave dhe vajzave në shume qarqe ndaj i ka ftuar ato që të votojë për Partinë Socialiste. Gjatë takimi elektoral me banorët e Burrelit, Rama bëri krahasime mes drejtuesve të PS dhe të PD në këtë zonë.
Postimi i Dhurata Çupi në Facebook
Në përgjigje të kryeministrit që nuk sheh.
Kryeministër ti do të ishe i fundit që mund të flisje për gratë dhe për respektin ndaj tyre në qarkun e Dibrës. Po të kujtoj se s`ka kaluar as një vit kur u përsëritën zgjedhjet lokale, pikërisht për shkak të sjelljes aspak etike të zyrtarëve të tu në raport me gratë. PD dhe Lulzim Basha jo vetëm i vlerëson gratë dhe këtë e ka treguar duke më besuar mua drejtimin e ekipit tonë fitues të Qarkut të Dibrës, por asnjëherë askush në PD nuk i do gratë si fasadë në politikë. Jam e bindur se mesazhet e tua pa takt ndaj banorëve të Burrelit,Matjanët do ti japin përgjigjen e duhur me 25 qershor.
Republika e Re, ekonomi e fortë e nesërme e sigurt. Lulzim Basha Kryeministër. Votojmë nr 6 me 25 qershor.
