Pavarësisht asaj që flitet në publik mbi reformën në shëndetësi, pacientët janë të detyruar të paguajnë për të marrë shërbimet e duhura mjekësore. Emisioni “Stop” ka denoncuar këtë herë rastin kur një qytetar drejtohet në repartin e neurokirurgjisë, duke kërkuar që të bëjë rezonancën magnetike. Sipas planifikimit, qytetari i duhet ta bëjë në një kohë të dytë rezonancën. Por, kur bëhet fjalë për para, atë mund ta kryesh brenda ditës. Për ta kryer atë, pacientit i duhet të negociojë për shumën e parave nga roja e deri tek mjeku imazherist. Ky i fundit nuk pranon ta bëjë rezonancën me 100 mijë lekë të vjetra, por në fund bien dakord për 150 mijë lekë. Pacienti e kryen rezonancën brenda ditës.
Biseda e plotë e denoncuar në emisionin “Stop”:
Qytetari – Te rezonanca, këtu.
Roja – Te kush rezonancë? Çfarë do bësh?
Qytetari – Do diskutoj me atë për punën e datës.
Roja – Do ikësh atje te konsultat që të caktosh datën.
Qytetari – E kam caktuar.
Qytetari pyet një mjek rreth datës së përcaktuar për kryerjen e rezonancës.
Qytetari – Mund të bëj një pyetje?
Mjeku – Po! Te neurologjia, këtej mbrapa.
Qytetari – Atje ishte data në qershor.
Mjeku – Është pa lekë, më kupton? Eshtë me zero lekë.
Roja dëgjon bisedën dhe i ofron një mundësi qytetarit.
Roja – Pse? Nuk e pe fare datën?
Qytetari – Në qershor.
Roja – Po fole një herë, po ashtu se… këta ta bëjnë për 200 mijë lekë.
Po ashtu dhe për 150 mijë lekë ta bëjnë. Po ju them unë që e kam mikun tim. Po flas unë.
Qytetari – Ik e fol, pra!
Roja shkon të bisedojë më doktorin dhe të hyjë “mik” për qytetarin, i cili e takon më pas.
Qytetari – Si kaluat?
Mjeku – Ti je kushëriri i atij?
Qytetari – Po!
Mjeku – Do presësh një çikë!
Qytetari – Po, s’ka problem, pres këtu jashtë.
Mjeku – Sa të plotësoj ca gjëra kështu, në rregull?
Qytetari – Ok! E mora në telefon dhe do vinte, sot apo nesër, kur do e bëjmë?
Mjeku – Po sot është më lirë se nesër kam hall mos do jetë më rrëmujë, hajde kur të duash. Sot ishte më lirë, kupton? E ke larg ti?
Qytetari – Mbase, një minutë- dy minuta.
Mjeku – Mirë, prit!
Qytetari – Hajde pak! Sa kushton ajo?
Doktori – A fole me atë?
Qytetari – Po ç’lidhje ka? Ne me 100 mijë lekë, se ajo ka rezonancën e pestë apo të gjashtë dhe i kemi bërë gjithmonë.
Mjeku – Tani me shku aty te arka, ikën e paguan 20 mijë lekë (të reja), aq është.
Qytetari – Ta lëmë 100-dëshe?
Mjeku – S’bëhet.
Pasi qytetari bëri “pazar” me mjekun, rikthehet te roja.
Roja – Çfarë tha? Nuk ta bëj?
Qytetari – 150.
Roja – Po të thashë që i bëjnë me 200 të gjithë.
Qytetari – T’ja jap lekët tani?
Roja – Po kush? Ti për veten tënde e ke?
Qytetari – Po jo, do vijë ajo tani.
Roja – Po jepja! Jepja!
Qytetari – Unë i thashë se i kemi bërë gjithmonë me 100 mijë lekë, kupton? 100 mijë lekë.
Roja – Këtu, si rezonancë eshtë rezonancë e mirë dhe ai shefi dhe të gjithë që i bëjnë këtu vijnë i sjellin.
Roja shkon sërish te doktori, i cili ishte mërzitur për bisedën që pati me qytetarin.
Qytetari – Po vjen?
Roja – Ishte mërzit ai, më mërziti ai tha, ti më the kështu, ai më tha kështu…
Qytetari – Po, mirë!
Roja – Ti i kishe thënë, ai ishte bërë tym, ai tha…
Qytetari – Do vinte?
Roja – Tani sillmi mua.
Qytetari – Po, hajde! Tani, dëgjomë mua se unë kam 50 euro dhe 85 mijë lekë se s’kisha lekë shqiptarë me vete. Ka problem? Njësoj është.
Roja – Ja, t’i them unë. 80 mijë lekë shqiptare?
Qytetari – 85 mijë lekë dhe 50 euro. Aq kisha në xhep, s’kam më. S’kam më, prandaj i thashë.
Roja – Ku e ke të sëmurin?
Qytetari – Duke ardhur, duke parkuar ishin.
Qytetarja shkon të bëjë rezonancën magnetike
Qytetari – Lekët t’i lashë te roja.
Mjeku – Mirë mo, po nuk është problemi te lekët, problem është ta bëjë. Ajo është gjëja e fundit, por e bën dot, s’e bën dot?
Qytetari – Po, e bën.
Infermierja – Ka frikë.
Mjeku – Të kemi fut pa rradhë, e para. E dyta, ka 20 veta aty dhe e treta s’ka absolutisht asnjë lloj gjëje.
Infermierja – Ja, të lemë djalin këtu.
Marrja e përgjigjes së rezonancës magnetike
Qytetarja – Mirë, dua të marr një përgjigje rezonance.
Punonjësi – Kur e ke bërë?
Qytetarja – Para tre – katër ditësh. Faleminderit!
Kamera e fshehtë e emisionit “STOP” shfaqi me zë dhe figurë se si bëhen pazaret mes rojës së objektit dhe mjekëve në Shërbimin Universitar të Neurokirurgjisë për të hyrë pa radhë përkryerjen e rezonancës magnetike. Pra, nëse ndjek rrugën e korrupsionit çdo gjë në “shëndetësinë e rilindjes” zgjidhet brenda ditës!
