Analisti dhe ish-deputeti i Partisë Demokratike, Mark Marku, në emisionin “Opinion”, ka dënuar deklaratat që vijnë brenda Partisë Demokratike se kryetari i saj, Lulzim Basha duhet që të japë dorëheqjen.
“Nuk mund të thuhet në fushatë, që kryetari i partisë të largohet dhe të lërë fushatën, kjo tregon se ata që e thonë nuk janë politikanë dhe pas 20 vitesh”, tha Marku.
Pak më herët Arben Imami ka kërkuar dorëheqjen e kryetarit të PD-së, Lulzim Basha.
“Bashën e gjykojnë zgjedhësit, por mua nuk me pëlqejnë 98 për qind e atyre që janë në listat e PD-së. Nuk janë personat e duhur ata që janë hequr nga listat për deputet”, tha Marku.
Ndër të tjera Marku tha se është i gëzuar që në Partinë Demokratike ka emra që flasin. “Kam mbrojtur idenë që në Partinë Demokratike duhet të flitet e të këtë demokraci. Këta që po thonë se po shkelet statuti, pse nuk dolën përpara se të dilnin emrat me listat e kandidatëve?”, ka thënë Marku duke mos pëlqyer shpërthimet e 24 orëve të fundit. Ai ka shprehur mospëlqim që asnjëri prej tyre nuk ka folur më parë.
