Kreu i PD-së, Lulzim Basha ka zhvilluar një miting në Dibër. Basha u shpreh se opozita është më e bashkuar se kurrë, ndërkohë që në fakt vetë brenda PD-së ka pasur shumë pakënaqësi lidhur me listat e kësaj partie.
Basha tha se Dibra më 25 qershor do i japë mësim Republikës së Vjetër.
Fjala e Lulzim Bashës:
Mirëdita dibrane e dibranë.
Mirë se ju gjej të gjithëve ju në këtë të hënë dhe më lejoni ta filloj në këtë Dibër të Zotit me një urim për besimtarët e Zotit, agjërim të lehtë e të pranuar.
Dita e sotme na ka sjellë këtu për të prezantuar ekipin fitues të Dibrës. Por, para se të bëj këtë dua t’ju falendëroj ju dhe të gjithë që keni qenë 90 ditë e 90 netë qëndrestarë të Republikës së Re.
Sot jemi të gjithë bashkë, më shumë, më të vendosur se kurrë për të marshuar drejt fitores vendimtare më 25 qershor.
Republika e Vjetër u përça, është një hap drejt shembjes përfundimtare, ndërsa ne për herë të parë në 27 vute pluralizëm, e djathta është e bashkuar, opozita është e bashkuar, vijmë me një sigël, Partia Demokratike e Shqipërisë.
Mësimi i përçarjes është një mësim që Dibra e njeh mirë. Beteja e 25 qershorit është beteja për të marrë në dorë Dibrën. Dibra që unë njoh, nuk është Dibra e traditës dhe besës por është Dibra ku njerëzit i mbajnë sytë përtokë.
Kjo që unë them nuk është asgjë më pak se ajo që më thatë. Pas zgjedhjeve lokale, u duk sikur këtu s’mbeti më shpresë.
Dibra ishte kambana e zgjimit me 18 shkurt për të nisur bashkimin tonë, që është sot lëvizja më e madhe popullore me një synim fare të thjeshtë.
Synimi është t’ua heqim politikanëve pemën e frutave që e kanë marrë vetëm për veten e tyre këto 25 vjet.
