Kryeministri Edi Rama po zhvillon një takim me banorët e Elbasanit. Gjatë fjalës së tij, Rama tha se nuk është penduar që e ka lutur Bashën, ndërsa shtoi se ky është dallimi mes tyre dhe PD-së, si dhe tha se shqiptarët nuk janë armiq.
Jo vetëm kaq, por Rama bëri thirrje që demokratët të votojnë Partinë Socialiste, për të ardhmen e tyre më të mirë.
Më poshtë fjala e Edi Ramës:
Edhe Saliu vet nuk e thotë, po brena vetes e di që shtet bëjmë vetëm ne.
Kështu, me shumë zemërgjerësi dhe me shumë sinqeritet duhet t’i shkoni derë në derë demokratëve e t’i thoni që kjo nuk është luftë mes demokratëve dhe socialistëve, kjo është luftë për ta marrë flamurin kuq e zi e për ta ngulur në oborrin e Bashkimit Evropian. Ai flamur është i të gjithë, nuk kemi kohë as logjikë për të bërë eksperimente. Partitë janë shërbëtore, nuk janë skuadra futbolli. Luhet fati i familjes, i atdheut. N.q.s partia nuk është gati të të shërbejë, për ça do e votosh?
Më 26 qershor, kush humb të dalë e ta përgëzojë tjetrin. E më pas ta mbrojmë bashkë Shqipërinë se u bëmë gazi i botës, vjen ambasadori e bën shkesa anglisht.
Ju e patë si u bona: O Lul amon, o Lul dermon. Jo vetëm që nuk jam pendu, po kam bo gjënë e duhur.
T’ma kishin thon që do vijë i ditë, do jesh mbi 50 vjeç e do i lutesh jo njonës po njonit, do i lutesh në bulevard e do i shkosh në shpi, s’do e kisha besu po ja që ndodhi.
Realisht ne nuk jemi armiq, i kemi pengu të rinjtë ta shohin perspektivën këtu që 27 vjet.
Shumë më kanë thonë mos iu lut, shumë po i lutesh, të ishte Saliu do ju kishte pushkatu. Po pra, po s’jemi njësoj. Ky është dallimi: forca jonë është për Shqipërinë që duam. Për ne nuk ka socialistët të mirë dhe demokratët të poshtër. Jo, për ne janë të gjithë njësoj.
Na e la politikën edhe Kreshnik sorra edhe na ka shqetësu shumë./ TIRANA TODAY
