Presidenti i Kosovës, Hashim Thaçi e ka kritikuar Bashkimin Evropian duke thënë se është treguar e pa drejtë më Kosovën dhe qytetarët e saj. Thaçi ka shtuar se kjo padrejtësi po nxit ndikimin rus dhe fundamentalizmin islamik në vend. Ai tha se demarkacioni është kusht i padrejtë që i është vendosur Kosovës duke bllokuar kështu dhe liberalizimin e vizave.
“Theksoj fuqishëm se vonesa e Bashkimit Evropian ka krijuar një vakum i cili është shfrytëzuar nga të tjerët për fat të keq. Edhe prej fundamentalizmit islamik edhe rritjen e nacionalizmit por ende tendencën e rritjes së ndikimit rus”, tha Thaçi.
“Kosova i ka kryer detyrat e veta. Demarkacioni është kusht i padrejtë që na e kanë vendosur. Kosova nuk është trajtuar drejtë sikurse vendet e tjera të rajonit”, tha Thaçi në emisionin ‘Monitor’ në RTK.
