Gjatë bashkëbisedimit me fermerë të Manzës në Durrës, kryeministri Rama tha se ka ende shumë për të bërë, prandaj banorët duhet ta votojnë sërish PS-në.
Gjithashtu Rama pyeti drejtpërdrejt demokratët se përse duhet të votojnë PD-në, teksa shtoi se nuk kanë pastruar as kanalet ujitëse, dhe se PD nuk di të bëjë shtet.
“Kemi bërë gabime sa t’dush, kemi të meta plot. Nuk jemi më të mirët, por më të mirë se ne nuk ka. Provën që në këtë vend mund të bëhet shtet, ne e kemi dhënë. Nëse duhet që ne të bëjmë më shumë, na jepni mundësinë të bëjmë më shumë. Na jepni votën të marrim më shumë se 71 mandate, pastaj do të çojmë përpara reformat.
Është i zoti i shpish ktu? Mos ki merak se tani kemi bo marrëveshje, do vinë dhe demokratët të hanë bukë ktu.
Varfërinë e kuptoj, pamundësinë e buxhetit e kuptoj, por a ma shpjegoni çerek shekulli mos me pastru kanalet ujitëse? Dhe kanë fytyrë e thonë na jepni votën ne? Po për çfarë duhet t’ua japin votën, për çfarë?
Kur për dy milion lekë të vjetra, ta bënë tokën shterpë, të detyrun të ikësh e të kërkosh punë e lekë dhe sot e kë ujin në parcelë, pse do ia japësh votën? Ma thuj pak, për çfarë? Se në fund të ditës vota është për ty dhe familjen tënde. Është udhëheqja e partisë më e rëndësishme se familja jote?
Për çfarë do ia japësh votën? Se nuk dinë të bëjnë shtet, ky është ndryshimi. Nuk e kanë konceptin e shtetit, dinë vetëm të prishin.
Atyre që janë sot të gjithë demokratë, i pyes, po mirë mo, do ia japësh votën ikën prapë, se nuk pastrohen prapë, se merren eskavatorët për të bo punë private. Shpëtuan dhe nga çadra, i nxorëm nga çadra.
A ia vlen t’i hysh eksperimentit e t’ia japësh prapë PD-së në dorë këtë punë?”
