Pas takimit të kreut të Partisë Demokratike, Lulzim Basha dhe Kryeministri Edi Rama, është zbardhur emri i zv/kryeministres dhe të ministrave teknikë që ka propozuar Partia Demokratike.
Propozimet e bëra nga partia Demokratike janë:
Zv/kryeministre Ledina Mandia.
Ministër i Brendshëm, Dritan Demiraj
Ministër i Financave, Helda Vukaj
Ministër i Drejtësisë, Gazmend Bardhi
Ministre e Arsimit, Mirela Karabino
Ministër i Shëndetësisë, Arben Beqiraj
Ministre e Mirëqenies Sociale, Xhulieta Kërtusha
Emrat e ministrave vijnë si propozim i Partisë Demokratike, ndërsa emërimi i tyre do të bëhet me konsensus.
Kryeministri Edi Rama dhe kreu i Partisë Demokratike, Lulzim Basha kanë zhvilluar një takim në Pallatin e Kongreseve përreth 40 minuta.
Temë kryesore besohet të jenë emrat e 6 ministrave teknikë që do të miratohen në seancën e së hënës së Kuvendit.
Kryeministri Rama ishte i shoqëruar nga sekretari i Përgjithshëm i Kryeministrisë Engjëll Agaçi, ndërsa kryetari i PD-së i shoqëruar nga deputeti Oerd Bylykbashi.
Takimi ka zgjatur disa minuta dhe asnjëra palë nuk ka preferuar të bëjë ndonjë koment për mediat.
