Vetëm pak orë para se të skadojë afati për regjistrimin e koalicioneve zgjedhore pranë KQZ në Kosovë, partia e Ramush Haradinajt, AAK zgjeron listën e aleatëve. Siç bën të ditur zyra për shtyp e kësaj partie, kreu i saj Haradinaj ka nënshkruar sot dy marrëveshje për koalicion parazgjedhor, përkatësisht me Partinë Social-Demokrate të Kosovës dhe Ballin Kombëtar të Kosovës.
Akti i nënshkrimit është bërë në Selinë e AAK-së në Prishtinë, nga Ramush Haradinaj dhe kryetarët respektivë të këtyre dy partive, Bajram Kelmendi dhe Selman Berisha”, thuhet në njoftim.
Sakaq, AAK është është në koalicion edhe me forcën politike “Nisma për Kosovën” të Fatmir Limajt.
16 maji është parashikuar si afati i fundit nga KQZ-ja që partitë politike të deklarojnë koalicionet garuese në zgjedhjet e 11 qershorit në Kosovë.
