Pas protestës së opozitës të mbajtur në bulevardin Dëshmorët e Kombit, Partia Demokratike vrapoi ta trumbetojë me të madhe se në shesh kishin ardhur 600 mijë protestues.
Por, nga ana tjetër mbështetësit e qeverisë e kundërshtuan menjëherë këtë shifër duke cilësuar të ekzagjeruar, aq sa edhe deputeti i Partisë Demokratike Arben Ristani iu desh ta reduktonte numrin zyrtar të dalë nga selia blu kur deklaroi në protestën e opozitës nuk mund të kenë qenë më shumë se 70 mijë protestues.
Megjithatë, pamjet e filmuara nga lart me dron duket se i sheshojnë të gjitha mosmarrëveshjet. Pamjet tregojnë se sa pak protestues ishin në mbështetje të kreut të Partisë Demokratike, ndërkohë që ky ishte duke mbajtur fjalimin e tij mbi “Republikën e Re”.
Gjithsesi gjykojeni vetë duke iu referuar edhe videos së mëposhtme, nëse janë 600 mijë protestues apo shumë herë më pak!
