PDK është duke zhvilluar bisedime me Partinë e Drejtësisë, për të vazhduar partneritetin e tyre 7 – vjeçar. Kryetari i PD-së, Ferid Agani ka thënë se janë në bisedime me PDK-në lidhur më mundësinë e një marrëveshje për koalicionin parazgjedhor. Agani shton se “Jemi duke e bërë analizën e finalizimit të marrëveshjes paraprake si dhe kemi vlerësuar anët pozitive dhe ka pasur edhe disa ngecje, dhe besojë që pas kësaj analize do të kalohet edhe në fazën e ardhshme”.
Ai ka treguar se përveç PDK-së kanë oferta joformale edhe nga partitë tjera,por që nuk ka preferuar të tregojë së kush janë ato. Por, sipas tij bisedimet më të avancuara janë ato më PDK-në. Partia e Drejtësisë ka qenë pjesë e koalicionin qeverisës me PDK-në në dy mandatet e kaluara, ku Agani kishte udhëhequr dy ministri. Në Qeverinë e drejtuar nga Hashim Thaçi ai ishte ministër i Shëndetësisë, ndërsa në këtë të fundit Agani ka udhëhequr për dy vite ministrinë e Mjedisit dhe Planifikimit Hapësinor.
Vlen të theksohet se AKR është njëra nga partitë në Kosovë, që ka vënë kushte për koalicione partiake. “Kemi oferta nga të gjitha partitë, por kushti ynë kryesor është qe kandidati për kryeministër të jetë Behgjet Pacolli. Jemi në pritje të përgjigjeve nga partitë tjera”, ka thënë një burim brenda AKR-së, transmeton indeksonline.
